لەسەر کێشەى زەوى و زار شەڕە چەقۆ دروستبوو

+964

بڕوا مەجید- شارەزوور

بەهۆى کێشەى زەوى و زار، شەڕە چەقۆ لە نێوان دوو هاوڵاتیدا دروستبو و یەکتریان بریندار کرد، لە ئێستادا هەردووکیان رەوانەى نەخۆشخانە کراون.

سەرچاوەیەک لە پۆلیسی شارەزوور بە 964ی وت،”سەر لە بەیانی ئەمڕۆ سێشەممە، دووهاوڵاتی لەنزیکی مەیدانی ئاژەڵانی شارەزوور دەبێت بەشەریان و بە چەقۆیەکتر بریندار دەکەن”.

بە وتەى سەرچاوەکە، دوو هاوڵاتییەکە پێشتر ناکۆکى لە نێوانیاندا هەبووە و شەڕەکەى ئەمڕۆشیان لەسەر کێشەى زەوى و زار بووە.

بەپێى زانیارییەکانى 964، دوو هاوڵاتییەکە تەمەنیان سەروى 60 ساڵە و دواى برینداربوونیان گەیەنراون لە نەخۆشخانەى شەهید رەئوف بەگ و دواى چارەسەرى سەرەتایى گوازراونەتەوە بۆ نەخۆشخانەى شار لە سلێمانى.

پێداچوونەوە- وریا فەتاح