تەواوکردنی رێگای گوندەکانی شەمێران لە قۆناغی کۆتایین

964+

توانا نەقی

قیرتاوکردن و چاککردنی رێگای گوندەکانی شەمێران وا تەواو دەبێت و خەڵکی ئەو گوندانە لە رووی رێگاوبانەوە دەحەسێنەوە.

زۆری رۆشتووە و کەمی ماوە بە قسەی سەرپەرشتیاری پرۆژەکە لە89%ـی گوندەکان تەواو بووە و 11%ـەی ماوە کە بەزووترین کات تەواو دەبێت.

فەرەیدون رەسوڵ ئەندازیاری سەرپەرشتیاری پرۆژەکە بە 964ـی وت، ژمارەی گوندەکان 11 گوندە و بو گوژمەی 9 ملیار و 521 ملیۆن دینار قیرتاو و چاکردنی رێگاکانیان بۆ دەکرێت و لە قۆناغی کۆتاییدان.

وتیشی، درێژی رێگای ئەو گوندانە 30 کیلۆمەترە و تا ئێستا 26 کیلۆمەتری قیر کراوە و چوار کیلۆمەتری تێکەڵە رێژە جارێ.

ئەو گوندانەی شەمێران پێکهاتوون لە وڵوەر، دەنگەوەر، کۆکۆیی، وەرمن، چەمەڕەش، کانی کەوە، ئەحمەد بەگ، توڵەیی، دڵفی عەبدوڵا، دڵفی مەجید و دۆڵی ئاور.

سەرپەرشتیاری پرۆژەکە ئاماژەی بەوەشکرد، دوای تەواو بوونی قیرتاوکردنەکان تەنیا گاردرێڵی حاسنی قەراغی شەقامەکان دەمێنێت و ئەوانیش دادەنێن.

"رێگای مەرگ" دیسان دەوەستێت