کارمەندێکى یەکەى پشکنینى خۆرام لە مەرزى کێلێ لەکاتى پشکنیندا. وێنە: تەندروستى راپەڕین.
تەنیا لە 2023 دا
لە مەرزى کێلێ زیاتر لە 400 تۆن خۆراک و کەلوپەلى بەسەر چوو رێگرى لێکراوە
964+
وریا فەتاح
تەنیا لە 2023دا، 410 تۆن کەلوپەل و خۆراکى بەسەرچوو، لە مەرزى کێلێ رێگرى لێکراوە بهێنرێتە هەرێمى کوردستانەوە.
بەپێى داتاکانى، یەکەی پشکنینی خۆراک لە مەرزی کێلێ کە سەر بە بەڕێوەبەرایەتى تەندروستى راپەڕینە، لە 2023دا سێ هەزار و 76 بار بە کێشى 91 هەزار و 566 کیلۆ، کەلوپەل و خۆراکی جۆراوجۆر لەمەرزی کێلێوە بۆ سنوری ئیدارەی راپەڕین هێناوە.
داتاکان ئەوەشیان خستووەتەڕوو، 23 بارهەڵگر، بەهۆى دەرنەچوونیان لە پشکنین گەڕێندراونەتەوە کە دەکاتە 410 تۆن و 520 کیلۆ گرام.
ئەمەش لە کاتێکدایە، بەوتەى حەمید بارام، بەڕێوەبەرى ناحیەى بیارە کە بۆ 964 قسەى کردووە، تەنیا ئەمساڵ لەلایەن لیژنەکانیانەوە لە مەرزى شوشمێى سەر بە هەڵەبجە، زیاتر لە 500 تۆن خۆراک و کاڵاى بەسەر چوویان تەلەف کردووە و رێگری لێکراوە بهێنرێتە هەرێمى کوردستانەوە.
