ژمارەیەک گەشتیار کۆبوونەتەوە بۆ گەشتەکەیان - وێنە: گەشتوگوزاری هەولێر
پشووە و کاتی گەشتە
گرانیی هۆتێل نرخی گرووپە گەشتیارییەکانی زیادکردووە
964+
ئەحمەد مستەفا
گرووپە گەشتیارییە ناوخۆییەکان ئێستا لەهەر کاتێکی دیکە بازاڕیان باشترە، بە گوێرەی سۆراغی 964 بێت، گەشتە ناوخۆییەکان لە ناوخۆی هەرێمی کوردستان و بۆ شارەکانی عێراق بە رێژەی %50 زیادی کردووە.
بەڵام، هۆتێلەکان نرخەکەیان گران کردووە.
ئەمڕۆ شەممە 3.12.2023 ئەڤین حەبیب، خاوەن گرووپی گەشتیاری لە سلێمانی ئەوەی بە 964 وت، بۆ رۆژانی 31.12.2023 و 1.1.2024 سەرجەم گرووپە گەشتیارییەکانمان داواکارییان لەسەر بووە، دەتوانم بڵێم لەگەڵ رۆژانی پێشتردا جیاوازی هەیە.
بەوتەی ئەو بێت، بەرزکردنەوەی نرخی هۆتێلەکان لە بۆنەی سەری ساڵدا هۆکار بووە بۆ ئەوەی بەشێک لە گەشتەکان لە ( 25 هەزار دینار بۆ 35 هەزار دینار) و ( 110 هەزار دینار بۆ 145 هەزار دینار) بەرزببێتەوە، ئەو وتی، “نرخی بلیت هەروەک خۆیەتی کە بۆ گواستنەوەی خزمەتگوزاری رێگە لە گەشتیاری وەردەگرین”.
