منداڵێکی تازە لەدایکبوو.
سلێمانی بە لەدایکبوونی 88 کچ پێی نایە ساڵی نوێ
لە یەکەم رۆژیدا 162 منداڵ لەدایکبوون
964+
هاوبەش ئەبوبەکر – سلێمانی
162 منداڵ لە یەکەم رۆژی ساڵی نوێ لە نەخۆشخانە حکومی و تایبەتەکانی سلێمانی لەدایکبوون.
دوێنێ یەکشەممە یەکی کانوونی دووەمی 2023، 88 کچ و 74 کوڕ لەدایکبوون.
بەڕێوەبەرایەتی گشتی تەندروستی سلێمانی لە راگەیەنراوێکدا لە پەیجی خۆیان لە فەیسبووک ئەو ئاماری یەکەم رۆژی ساڵی نوێی راگەیاند.
بەپێی ئاماری تەندروستی سلێمانی، لە 2022 لەنەخۆشخانەی منداڵبوونی فێرکاری و سەرجەم نەخۆشخانەکانی دیکە لە سلێمانی 26 هەزارو 183 منداڵ لەدایکبوون.
زۆرترین رێژەی منداڵ لە رەگەزی كوڕ بووە، کە 13 هەزار و 762 منداڵ بووە و لەو کوڕانەی لەدایکبون ناوی محەمەد و ئەحمەد زۆرترین ناو بووە.
هەروەها 12 هەزار و 421 منداڵی کچ لەدایکبوون و زۆرترین ناو کە لێیان نراوە ئێلا و مینا بووه.