وەرزی دووەمی خوێندن تەنیا یەک پشووی تێدایە

+964

پێشەوا محەمەد – سلێمانی

بەگوێرەی ساڵنامەی خوێندنی وەزارەتی پەروەردە، لە پاش پشووەکانی سەری ساڵ، تەنیا یەک پشووی دیکەی تیدایە، کە پشووی بەهارەیيە و لە 11ی ئازار دەستپێدەکات.

بەپێی ئەو ساڵنامەیەی وەزارەتی پەروەردە بڵاویکردووەتەوە، لە 2ـی کانوونی دووەمی 2023، وەرزی دووەمی خوێندن دەستپێدەکاتەوە.

هەروەها لە 11ـی ئازاری 2023 تا 24ـی هەمان مانگ پشووی بەهارەی خوێندنە.

وەزارەتی پەروەردەی حکومەتی هەرێم دەسەڵاتی تەواوی بە بەڕێوەبەرایەتییە گشتییەکان داوە، بە رەزامەندیی پارێزگار یان سەرپەرشتیاری ئیدارە، لە کاتی رووداوی سروشتی و حاڵەتی نالەباریی کەشوهەوا کە گرفت بۆ خوێندکاران دروست بکات پشوو رابگەیەنن.