جێبەجێکارێکی لەسێدارەدان لە تارانی پایتەختی ئێران لە ماوەکانی رابردوو - رێکخراوی هەنگاو
ئەمساڵ 83 کورد لەسێدارە دراون
لە ئێران سێ کەس لەسێدارە دران و دووانیان بران
964+
پێشەوا محەمەد
ئەمڕۆ یەکشەممە سێ هاوڵاتی لوڕی لە بەندیخانەی نەهاوەند لە ئێران لەسێدارە دراون و بە پێی زانیارییەکانی رێکخراوی هەنگاو بۆ مافی مرۆڤ دووانیان برا بوون.
دوو براکە ناویان فەرشید و فەرشاد پیرحەیاتییە، لەگەڵ ئەسغەر سووری، لە بەندیخانەی ناوەندی نەهاوەندی پارێزگای هەمەدان لەسێدارەدانەکەیان جێبەجێ کراوە.
رێکخراوی هەنگاو، کە چاودێریی رەوشی مافی مرۆڤی رۆژهەڵاتی کوردستان دەکات دەڵێت، ئەو سێ کەسە پێشتر بە تاوانی کوشتنی کەسێک دەستگیر کراون و سزای لەسێدارەدانیان بەسەردا سەپێندراوە.
بە پێی ئامارێکی رێکخراوەکە، بەو سێ کەسەوە ئەمساڵ نزیکەی 590 کەس لە ئێران لەسێدارە دراون و 83 کەسیان کورد بوون.
تەنیا لە مانگی 10ـدا، لە وڵاتی ئێران 78 هاوڵاتی لەسێدارە دراون و وەک رێکخراوی هەنگاو باسی دەکات، لە چاو مانگی نۆوە 51 حاڵەت زیادی کردووە.
