دانیشتووانی پەروێزخان هەڕەشە دەکەن
“کێشەکانمان چارەسەر نەکەن مەرزەکە دادەخەین”
964+
میلاد جەلال
دانیشتووانی گوندی پەروێزخان لە گەرمیان گردبوونەوە و دەڵێن قەرەبووی زەوییەکانیان، کە بەر شەقام دەکەوێت نەکەنەوە، مەرزەکە دادەخەن.
خەڵکی گوندەکە داوای قەرەبووی ئەو زەویانەیان دەکەن، کە حکومەت خستوویەتییە بەر شەقام و هەروەها لە مەرزەکەدا داوای هەلی کار دەکەن .
ئەنجومەنی گوندەکە قسەی بۆ 964 کرد و وتی، 700 دۆنم زەوی کە هی 24 جوتیارە، بە بێ قەرەبوو بەر شەقام کەوتووە.
وتیشی، ئەگەر تا چوارشەممەی داهاتوو وەڵامیان نەدرێتەوە و کێشەکانیان چارەسەر نەکرێت، بە خۆیان و ماڵ و منداڵیانەوە چادر هەڵدەدەن و رێگای مەرزەکەش دادەخەن.
پێداچوونەوە: توانا نەقی
