تەندروستی چۆنە و کەی دەگەڕێتەوە؟
مەحمود محەمەد: “گۆرانیی گەنجانی ئێستا وەک کەبابی ئێوارانە”
+964
پەری ساڵح
هونەرمەند میللی مەحمود محەمەد، پاش ماوەیەکی زۆر دابڕان و ناجێگیری بارودۆخی تەندروستی بەمزووانە لەگەڵ کوڕەکەی دەگەڕێتەوە ناو دنیای هونەری.
مەحمود محەمەد لە لێدوانێکی تایبەتدا بۆ 964 وتی، “ئێستا تەندروستیم باشترە، بەڵام زۆر هەست بە بێتاقەتی دەکەم بە تایبەت کاتێک بە پێوە دەوەستم و بە نیازم لەگەڵ خەیامی کوڕم کارێکی دوێت بڵاوبکەینەوە و دەنگی زۆرباشە و موزیسیانە.
مەحمود محەمەد لە قسەکانیدا گلەیی لە گەنجە هونەرمەندەکانی ئێستا دەکات و دەڵێت، ئەو کار و بەرهەمە هونەرییانەی بڵاوی دەکەنەوە هەڵەیە و زوو کۆن دەبێت و باشترە خۆیان ماندوو بکەن یەک گۆرانی خۆش بخەنە ناو خەڵکەوە، نەک وەک کەبابی ئێوارە تۆماری بکەن و بەیانی بیدەن بە گوێی خەڵکدا.
