دیمەنێک لە یاریی عێراق و ڤێتنام. فۆتۆ: پەیجی فیدراسیۆنی عێراق
پاڵاوتنی مۆندیال
عێراق 40 هه‌زار ڤێتنامیی خه‌مبار كرد
964+
ئه‌رسه‌لان عه‌بدوڵا
هه‌ڵبژارده‌ی عێراق دووه‌م بردنه‌وه‌ی له پاڵاوتنه‌كانی كیشوه‌ری ئاسیا بۆ گه‌یشتن به مۆندیالی 2026 تۆمار كرد و له دواخوله‌كدا 40 هه‌زار ڤێتنامی بێ هیوا كرد.
یارییه‌كه ئێواره‌ی ئه‌مڕۆ له هانۆیی پایته‌ختی ڤێتنام به ئاماده‌بوونی 40 هه‌زار هانده‌ری ڤێتنامی كرا و عێراق به ئه‌نجامی 1-0 گۆڵ یارییه‌كه‌ی برده‌وه.
تاكه گۆڵی یارییه‌كه له خوله‌كی 90+6 له لایه‌ن موهه‌ننه‌د عه‌لی، ناسراو به “میمی” تۆمار كرا.
ئه‌مه دووه‌م یاریی عێراق بوو، ئێستا شه‌ش خاڵی هه‌یه و له پله‌ی یه‌كه‌می كۆمه‌ڵه‌ی شه‌شه‌مه، دوای ئه‌وه‌ی ئه‌مڕۆ فلیپین و ئیندۆنیسیاش به گۆڵێك بۆ هه‌رلایه‌ك یه‌كسان بوون.
