دیمەنی بەڕێوەچوونی خولەکە لە ئەکادیمیای تۆپی سەر مێزی چەمچەماڵ. وێنە:964+
10 رۆژ بەردوام بوو
ئەکادیمای تۆپی سەرمێزی چەمچەماڵ 130 کچ و کوڕی لە خولێک کۆکردەوە
964+
هۆگر عەدنان – چەمچەماڵ
ئەکادیمیای تۆپی سەرمێزی چەمچەماڵ لە چەند ئاستێکی جیاواز، 130 کچ و کوڕی لە خولێک کۆکردەوە.
خولەکە بۆ تەمەنی چوار بۆ هەشت ساڵ لەسەر ئاستی کوران، بۆ تەمەنی هەشت بۆ 15 ساڵی کوڕان و کچان، لەگەڵ ئاستی یاریزانی سەروی 18ساڵی بەڕێوەچوو.
لەسەر ئاستی تەمەنی چوار بۆ هەشت ساڵی کورڕان، یاریزان دانیار محەمەد بە ئەنجامی سێ گێم بە گێمێک پلەی یەکەمی بەدەست هێنا
لەسەرئاستی تەمەنی نۆ بۆ 15 ساڵی کوڕان، یاریزان ژیران سەباح بە ئەنجامی سێ گێمی بێبەرامبەر یەکەمی بەدەست هێنا.
لەسەر ئاستی تەمەنی نۆ بۆ 15ساڵی کچان، یاریزان ڤارین عەلی بەئەنجامی سێ گێم بەرامبەر بەدوو گێم پلەی یەکەمی بەدەست هێنا.
لەسەر ئاستی تەمەنی سەرووی 18ساڵ بۆ کوڕان، یاریزان سەفین ئەحمەد بەئەنجامی سێ گێمی بێ بەرامبەر پلەی یەکەمی بەدەست هێنا.
سەفین عەلی بەڕێوبەری ئەکادیمای تۆپی سەرمێزی چەمچەماڵ کە لەخولەکە یەکەم بوو بە964ی وت، خولەکە ماوەی 10 رۆژە بەردەوام بوو، بەبێ بەرامبەر یاریزانان بەشداریان تیایدا کرد.
ئەکادیمیای تۆپی سەرمێزی چەمچەماڵ ماوەی شەش مانگە دامەزراوە و مۆڵەتی فەرمی هەیە، ئەو ئەکادیمیایە ئێستا خاوەنی نزیکەی 100 یاریزانە لەتەمەنە جیاوازەکان، لەو ڕێژەیە 28 کوڕ و 12 کچی منداڵ لەو ئەکادیمیایە یاری دەکەن.
