نۆ پڕۆژەی کارەبا لە هەڵەبجە جێبەجێ دەکرێن

964+

پێشەوا محەمەد

نۆ پڕۆژەی کارەبا لە سنووری پارێزگای هەڵەبجە جێبەجێ دەکرێن و بەڕێوەبەری کارەبای هەڵەبجەش دەڵێت، گوژمەی کۆی پڕۆژەکان 340 ملیۆن دینارە.

پڕۆژەکان لە چوارچێوەی نۆژەنکردنەوە و رووناککردنەوە و کەمکردنەوەی لۆدی سەر محاویلەکانی سنووری پارێزگای هەڵەبجەیە.

سەعید سەید قادر، بەڕێوەبەری گشتی کارەبای هەڵەبجە بە 964ـی راگەیاند، سەرجەم پڕۆژەکان لەسەر داهاتی 8%ـی بەڕێوەبەرایەتیی گشتیی کارەبای هەڵەبجە دەبێت.

وتیشی، “ئیشوکارەکانی سەرجەم ئەو پڕۆژانە تەواو بوون و لە ئاییندەیەکی نزیکدا دەکەونە بوواری جێبەجێکردنەوە”.

پڕۆژەکان بریتین لە:

*دانانی محاویلە بۆ گەڕەکی شارەوانی لە قەزای ناوەندی هەڵەبجە.

*دانانی گڵۆپی رووناکی بۆ گەڕەکی تەربیە هەتا گوڵان لە ناوەندی قەزای هەڵەبجە.

*دانانی گڵۆپی رووناکی بۆ گەڕەکی کۆکۆییەکان لە ناوەندی قەزای هەڵەبجە.

*چارەسەرکردنی بارزۆری کارەبای گوندی بامۆك.

*نۆژەنکردنەوەی تۆڕی کارەبای گوندی گردی قازی.

*نۆژەنکردنەوەی تۆڕی کارەبای گوندی گێڵەك.

*نۆژەنکردنەوەی پێکهاتەی رووناکیی شەقامی گەڕەکی شارەوانی.

*نۆژەنکردنەوە و دانانی محاویلە لە گوندی زەڵم لە خورماڵ.

*جیاکردنەوەی کارەبای گوندی کشەدەری لە گوندی تەپەسەرقوڵە.

کارەبای هەڵەبجە: ئاسنی تاوەرەکانمان دەدزرێن