قوە جەویە زیاد لە دوو هەزار بلیتی کڕیوە
بۆ یاریەکەی ئەمڕۆ 18 هەزار بلیت فرۆشراوە
964+
هێژا خەسرەو – هەولێر
چەند کاتژمێرێکی کەم ماوە بۆ یاریەکەی نێوان قوە جەویە و ئیتیحادی سعودی، بەهۆی بەشداری چەند ئەستێرەیەکی دیاری جیهانی ژمارەیەکی زۆری خەڵک لە ئێستاوە لەدەرەوەی یاریگای فرەنسۆ هەریری کۆبونەتەوە، خاوەنی کۆمپانیایەکی فرۆشتنی بلیت دەڵێت، 18 هەزار بلیت فرۆشراوە.
محەمەد بەکر خاوەنی کۆمپانیا بۆ 964 وتی “فرۆشتنی بلیت راوەستا، یانەی قوە جەویە نزیکەی دوو هەزار و 500 بلیتی کڕیووە، خۆی بلیتەکە بە 25 هەزار دینار بوو، یانەکە بە 10 هەزار دەیدایەوە بە هاندەرانی و 15 هەزار دیناری لە ئەستۆی خۆی دەیدا.
خاوەنی ئەو کۆمپانیایە دەڵێت، “بەسەرجەمی 18 هەزار بلیت فرۆشراوە و بەتەنیا لای ئێمە دوو هەزار و 800 بلیت فرۆشراوە”.
