وەزارەتی کار هەشت کەسی دەوێت بۆ رانیە

964+

ژووری هەواڵ

لە رانیە هەشت کەس بە شێوەی هەمیشەیی و گرێبەست دادەمەزرێندرێن و داواکاری بە شێوەی فۆڕم پێشکەش دەکرێت.

ئەمڕۆ دووشەممە 30.10.2023، ئاریان ئەحمەد، وتەبێژی وەزارەتی کار و کاروباری کۆمەڵایەتی بە 964ـی راگەیاند، ئەو کەسانەی کە بڕوانامەی بەکالۆریۆسیان هەیە دەتوانن فۆڕم پڕبکەنەوە.

دوو کەس وەک پشکنەری کار و دەرچووی یاسایی بەشێوەی هەمیشەیی وەردەگیرێن.

وەزارەتی کار دوو کەسی دیکەشی پێویستە بۆ بەشی کارگێڕی کە دەبێت بڕوانامەی بەکالۆریۆسیان هەبێت و دامەزراندن بە گرێبەست دەبێت.

دوو کەسی دیکە وەک ژمێریار و بەشێوەی گرێبەست دادەمەزرێن و دەبێت ئەوانیش خاوەن بڕوانامەی بەکالۆریۆس بن.

دوو شۆفێریش کە دەرچووی ئامادەیی بن بەشێوەی گرێبەست دادەمەزرێن.

ژمارەیەک هەلی کار بۆ خەڵکی کۆیە راگەیەندران

مەرجەکان ئەمانەن: خوازیار دانیشتووی رانیە بێت، موچەخۆر نەبێت لە هیچ دامەزراوەیەکی حکومی و تایبەت، هەروەها تەمەنی لە نێوان 24 بۆ 35 ساڵدا بێت.

فۆڕمەکە رۆژی چوارشەممە کاتژمێر 09:00ـی بەیانی، لە بەشی دەستەبەرى کۆمەڵایەتى بۆ کرێکاران/ راپەڕین، لەناو بیناى بەڕێوەبەرایەتیی چاودێرى و گەشەپێدانى کۆمەڵایەتیی راپەڕین لە گەڕەکى کێوەڕەش، دابەشدەکرێت.