بەهۆی رووداوێکی هاتوچۆ شۆفێری ماتۆڕسکیلێک گیانی لەدەستدا

964+

شۆڕش عەبدوڵا – هەولێر

بەهۆی رووداوێکی هاتوچۆ شۆفێری ماتۆڕسکیلێک گیانی لەدەستدا  و یەکێکی دیکە بریندار بوو.

رووداوەکە کاتژمێر 7:00ی ئێوارەی ئەمڕۆ لە قەزای خەبات بووە.

رائید بێباک بەڕێوەبەری هاتوچۆی خەبات بە964ی وت، “رووداوەکە لەنزیک پیشەسازی خەبات بووە، بەهۆی پێکدادان لەنێوان ئۆتۆمبێلکی نیسان و ماتۆڕسکیلێک، شۆفێری ماتۆڕسکیلەکە گیانی لەدەستدا و شۆفێری ئۆتۆمبێلەکەش بریندار بووە”.

بەڕێوەبەری هاتوچۆی خەبات دەڵێت، هەردوو شۆفێرەکە پابەندی رێنماییەکانی هاتوچۆ نەبوون.

بەپێی زانیارییەکان خاوەنی ماتۆڕەکە گەنجێکی تەمەن 23 ساڵانە و هاوڵاتی قەزای خەباتە.

لە خەبات شۆفێرێک بە رووداوی هاتوچۆ گیانی لەدەستدا