رووپەری ماڵپەڕی شەفافییەت
هەڵەبجە و دوو ئیدارەی لەگەڵە
داهاتی سلێمانی لەسەر و 20 ملیار دینارەوە ماوەتەوە
964+
پێشەوا محەمەد
بەپێی ئامارەکانی ماڵپەڕی شافافییەت، داهاتی هەفتەی رابردووی پارێزگای سلێمانی، کە هاوکات پارێزگای هەڵەبجە و ئیدارە سەربەخۆکانی گەرمیان و راپەڕینیشی لەگەڵدایە زیاتر لە 23 ملیار دینار بووە.
سێ هەفتەیە داهاتی ئەو ناوچانە لەسەر و 20 ملیار دینارەوە ماوەتەوە و کەمی نەکردووە.
ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.
بەپێی زانیارییەکانی ماڵپەڕەکە لە 21.10.2023 تا 27.10.2023 کۆی داهاتی کۆکراوەی نانەوتی ئەو ناوچانە 23 ملیار و 466 ملیۆن و 451 هەزار و 914 دینار بووە.
بەپێی زانیارییەکانی ماڵپەڕەکە، داهاتی هەفتەی پێشووتری سلێمانی زیاتر لە 24 ملیار دینار بووە.
