سێ رۆژە تەرمی گەنجە خنکاوەکەی دوکان نەدۆزراوەتەوە

964+

پێشەوا محەمەد

ماوەی سێ رۆژە گەنجێکی تەمەن 25 ساڵ لە دوکان خنکاوە، بەڵام تیمەکان نەیانتوانیوە تەرمەکەی بدۆزنەوە و لە گەڕان بەردەوامن.

ئەو گەنجە لەگەڵ برایەکی و چەند هاوڕێیەکی دیکەیدا ئێوارەی رۆژی دووشەممە 23.10.2023 بە مەبەستی گەشتکردن لە بەغداوە دێنە دوکان و ئەو کوڕە بەناوی “ع. م” دەچێتە ئاوی قەشقۆڵییەوە و دەخنکێت.

زانا بەکر، ئەندامی تیمی غەواسی دوکان بە 964ـی وت، “بێوچان بەردەوامین لە گەڕان بەڵام نەماندۆزیوەتەوە”.

وتیشی، “تیمی غەواس و بەرگریی شارستانی و پۆلیس هەموویان سەرقاڵی گەڕان و دۆزینەوەی تەرمی ئەو گەنجەن”.

بە پێی ئامارەکانی بەردەست 964، ئەمساڵ لەسەر و 80 کەسەوە لە هەرێمی کوردستان خنکاون.

بۆچی هەندێ جار تەرمی خنکاوەکان درەنگ لە ئاودا دەدۆزرێنەوە؟