ئەو ئۆتۆمبێلەی لە رووداوەکەدا بووە. فۆتۆ هاتوچۆ گەرمیان
بریندارێکی رووداوە هاتوچۆکەی کەلار گیانی لەدەست دا
964+
ژووری هەواڵ
یەکێک لەو کەسانەی کە ئێوارەی ئەمڕۆ چوارشەممە 25.10.2023 لە رووداوێکی هاتوچۆدا، لەسەر رێگای کەلار – گوندی سەید خەلیل بریندار بوو، بەهۆی سەختی برینەکەیەوە گیانی لەدەست دا.
قوربانییەکە بەهۆی پێکدادانی نێوان ئۆتۆمبێلێکی تۆیۆتا کراون و دوو ماتۆرسکیل بریندارببوو، لەبەر سەختی برینەکەی رەوانەی سلێمانی کرابوو.
هاتوچۆی گەرمیان رایگەیاند، ئەو کەسەی گیانی لەدەستداوە، لێخوڕی یەکێک لە ماتۆرسکیلەکان بووە و تەمەنی 19 ساڵ بووە و دانیشتووی گەڕەکی کەلاری کۆنی قەزای کەلار بووە.
تەنیا ئەمڕۆ چوارشەممە، لە قەزای کەلار سێ رووداوی هاتوچۆ لە نێوان بارهەڵگێک و چوار ئۆتۆمبێل و سێ ماتۆرسکیلدا روویانداوە و هەشت کەس بریندار بوون و کەسێکیش گیانی لەدەستداوە.
