بزانە لە چی گیریان خواردبوو
سێ بێچوه پشیله‌كه‌ى سه‌روچاوه به دایكیان شادكرانه‌وه
964+
فه‌رهاد حه‌سه‌ن
له چه‌ند گرته‌یه‌كی ڤیدیۆییدا دەردەکەوێت، كارمه‌ندانى به‌رگریى شارستانیى سه‌روچاوەى سه‌ر به ئیداره‌ى راپه‌ڕین، سێ بێچووه پشیله له مردن رزگار ده‌كه‌ن و بە دایكیان شادکرانەوە.
سێ بێچووه‌كه له‌ناو ژوورێكدا قاچ و ده‌ستیان له تۆڕى وردى ماسیگرتن ئاڵاوه و بڕستى لێ بڕیون و دواى رزگاركردنیشیان ده‌بیندرێت دایكه‌كه‌یان باوه‌شیان پێدا ده‌كات.
هێمن ئه‌حمه‌د، كارمه‌ندى به‌رگریى شارستانیى سه‌روچاوه به 964ـى وت، له‌لایه‌ن كه‌سێكه‌وه تیمه‌كانیان له گیرخواردنی ئه‌و سێ بێچووه پیشیله‌یه ئاگادار كراوه‌نه‌ته‌وه و ئه‌وانیش ده‌ستوبردیان لێكردووه و هه‌ر زوو رزگاریان كردوون.
وتیشی “رزگاركردنى ئاژه‌ڵیش كارى ئێمه‌یه و ماوه‌یه‌ك له‌مه‌وبه‌ریش ئه‌سپێكى له قۆڕداچه‌قیو له‌لایه‌ن تیمه‌كانى به‌رگریی شارستانی له سنوورى رانیه رزگاركراوه”.
