کۆبوونەوەی ئەنجومەنی ئاسایشی نێودەوڵەتی. فۆتۆ:AFP
ئەمریکا ناهێڵێت شەڕەکەی غەزە بوەستێت
964+
ژووری هەواڵ
ئەمڕۆ ئەمریکا دەسەڵاتی خۆی بەکارهێنا و رێگری کرد لە تێپەڕبوونی بڕیارێک بۆ وەستانی هێرشەکانی ئیسرائیل بۆ سەر غەزە.
رۆژی 12ی ئەم مانگە بەرازیل پرۆژەیەکی دابووە ئەنجومەنی ئاسایش، داوایکردبوو ئاگربڕێکی مرۆیی لە نێوان ئیسرائیل و حەماس رابگەیەندرێت، تا یارمەتی مرۆیی بگاتە غەزە.
دووجار دەنگدان لەسەر ئەو پرۆژەیە دواخرا و بەرازیل دەقی پرۆژەکەی دەستکاری کرد، ئەمڕۆ لە 15 ئەندامە هەمیشەییەکەی ئەنجومەنی ئاسایش 12 ئەندامیان دەنگیان بە پرۆژەکە دا، روسیا و بەریتانیا هەر دەنگیان نەدا و ئەمریکاش مافی ڤیتۆی بەکارهێنا و پرۆژەکەی هەڵوەشاندەوە.
ڤیتۆ، مافێکە تەنیا بە پێنج ئەندامە بنچینەییەکەی ئەنجومەنی ئاسایش دراوە (روسیا، چین، بەریتانیا، فەرەنسا، ئەمریکا).
