کاتی بەڕێوەچوونی ئۆپەراسیۆنەکەی دەزگای دژەتیرۆری عێراق. فۆتۆ: دەزگای دژەتیرۆر
لە قەزای خورماتوو سێ چەکداری داعش کوژران
964+
هاوبەش ئەبوبەکر
دەزگای دژەتیرۆری عێراق کوشتنی سێ چەکداری داعشی لە قەزای خورماتوو راگەیاند و دەڵێت، بۆسەیان بۆ داناون.
ئەمڕۆ چوارشەممە 11.10.2023، دەزگای دژەتیرۆری عێراق رایگەیاند، دوای ئەوەی زانیاری هەوڵگرییان پێگەیشتووە لەبارەی شوێنی سێ چەکداری داعش لە پارێزگای سەڵاحەدین، لە قەزای خورماتوو، ئۆپەراسیۆنێکیان بۆ شوێنی مەبەست ئەنجامداوە.
دوای ئاشکرابوونی شوێنی ئەو سێ چەکدارەی داعش، هێزەکانی دەزگای دژەتیرۆری عێراق بۆسەیەکیان بۆداناون و کوشتویانن.
لە کۆتایی مانگی ئایاری ئەمساڵدا لە ئۆپەراسیۆنێکی هاوبەشی دوو رۆژەدا، لە کەرکوک، قەزاى خورماتوو و پارێزگاى دیالە هێزەکانی پێشمەرگە و سوپای عێراق 25 حەشارگە و دوو تونێلی داعشیان دۆزییەوە.
