بەشە ناوخۆیی شەهید شەوکەت.وێنە.سۆشیال میدیا
"خوێندکار کەرەستەکان دەشکێنن"
ئاوی بەشە ناوخۆیی شەهید شەوکەت پاک دەرچوو
964+
توانا نەقی
دوای ئەوەی رەنگی ئاوی بەشە ناوخۆیی شەهید شەوکەت گۆڕابوو لە لایەن تاقیگەی ناوەندییەوە پشکنینی بۆ کراو شیاوە بۆ بەکارهێنان و خواردنەوە.
بە پێی قسەی بەرپرسانی بەشە ناوخۆییەکە گۆڕانی رەنگی ئاوەکە بەهۆی کلۆر و مەزەقەوە بووە و هیچ کێشەیەکی تری نییە.
ئەیاد عەلی بەڕێوەبەری بەشە ناوخۆیی شەهید شەوکەت لە هەولێر بە 964ـی وت، ئاوی بەشە ناوخۆییەکە لەلایەن تایقیگەی ناوەندی حکومەتی هەرێمەوە پشکنینی بۆ کراو هیچ کێشەیەکی نییە و خۆشیان بەکاری دەهێنن.
وتیشی، گلەییان زۆر لە خوێندکاران هەیە، چونکە بەشێکیان سەرجەم ئەو کەلوپەلانەی بۆیان دادەنێن و بۆ خزمەتی ئەوانە تێکی دەشکێنن و بە تەنگییەوە نایەن، بۆنمونە شکاندنی مەخسەل و ئەو گڵۆپە شەحنانەی بۆیان داناون.
مانگانە 100 ملیۆن دینار دەدەن با گاز بۆ بەشە ناوخۆییەکە و بەردەوام خزمەتگوزاری زیاتریان بۆ دەکەن، بەڵام دەبێت خوێندکاران ئەو شوێنە بە ماڵی خۆیان بزانن و هەست بە بەرپرسیارێتی بکەن بەرامبەری.
بەشە ناوخۆیی شەهید شەوکەت لە هەولێر بەشە ناوخۆییەکای حکومییە و 1800 خوێندکار تیایدا دەمێننەوە.
