لە چاکسازی ژنان و منداڵان لە هەولێر وتاری ئاینی پێشکەشدەکرێت. فۆتۆ: چاکسازی ژنان و منداڵانی هەولێر
وتاری هەفتەی رابردوو لەبارەی چی بوو؟
لە چاکسازییەکان وتاری ئاینی پێشکەشدەکرێت
964+
هاوبەش ئەبوبەکر
لە بەڕێوەبەرایەتییەکانی چاکسازی هەرێمی کوردستان، لە چوارچێوەی شیاندنەوە و ئاڕاستەکردنی سزادراوان، مامۆستایانی ئاینی وتار بۆ راگیراوان پێشکەش دەکەن.
ئەمڕۆ سێشەممە 3.10.2023، نەبەز ئیسماعیل، وتەبێژی وەزارەتی ئەوقاف و کاروباری ئاینی بە 964ـی راگەیاند، مامۆستایانی ئاینی ئامۆژگاری و رێنوێنی راگیراوان دەکەن و ئێمە هەماهەنگیمان لەگەڵ چاکسازییەکاندا هەیە.
وتاری ئەم هەفتەیەی چاکسازی ژنان و منداڵان لە هەولێر، لەلایەن مامۆستای ئاینی و مامۆستای زانکۆ د. ئەحمد سیدا، لەژێر ناوی “خۆت بناسە و گەشبین بە” بۆ بەشێك لە نەوجەونانی راگیراو پێشکەشکرا.
بەڕێوەبەرایەتی چاکسازی کۆمەڵایەتی دەڵێت، ئەم کارە خزمەت بە پڕۆسەی چاکسازی کۆمەڵایەتی دەکات و بەشێکە لە ئاڕاستەکردنی ئاینی و کاریگەریی لەسەر بیر و رەفتاری راگیراوان و سزادراوان، هەروەها دووبارە شیاندنەوەیان پتەوتر دەکات.
لە هەرێمی کوردستان نزیکەی پێنج هەزار زیندانی لە شەش چاکسازیدان.
