ژمارەیەک هاوڵاتی کە دەیانەوێت بچن بۆ عومرە - وێنە: بەڕێوەبەرایەتی حەج و عەمرە
نرخی گەشتی عەمرە نزمترینی ئەمساڵی تۆمارکرد
964+
رێژوان مامە قادر – سلێمانی
نرخی گەشتی عەمرە لە 850 دۆلارەوە بۆ 550 تا 650 دۆلار کەمبووەتەوە و وەزارەتی ئەوقاف دەڵێت، رێگەنادەن کەمبوونەوەی نرخ کار بکاتە سەر خزمەتگوزارییەکان.
لە هەرێمی کوردستان زیاتر لە 100 کۆمپانیا گەشتی عەمرە بۆ هاوڵاتیان رێکدەخەن.
نەبەز ئیسماعلی، وتەبێژی وەزارەتی ئەوقافی هەرێم بە 964ـی راگەیاند، کێبڕکێی کۆمپانیاکان و کردنەوەی قوتابخانە وای کردووە گەشت کەم بێت و نرخەکان کەم ببنەوە.
وتیشی، “لیژنەیەکی تایبەتمەند هەیە لە وەزارەت چاودێری کۆمپانیاکان دەکات و رێگە نادات کەمبونەوەی نرخ ببێتە هۆکاری خراپی خزمەتگوزاری گەشتیارانی عەمرە”.
