چەند کرێکارێک لە کاتی کارکردن _ وێنە: 964
%40ـی کارەکانی تەواو بووە
ئەشکەوتی چارستینی دهۆک نوێ دەکرێتەوە
964+
زەید کۆچەر – دهۆک
ئەشکەوتی چارستین لە دهۆک لە لایەن رێکخراوی یونیسکۆ و یەکێتی ئەوروپاوە بە گوژمەی 731 هەزار دۆلار نۆژەن دەکرێتەوە و 40%ـی کارەکانی تەواو بووە.
نۆژەنکردنەوەکە لە مانگی چواری ئەمساڵەوە دەستیپێکراوە، پلانی ئیشەکە بریتییە لە دانانی کارەبا و رووناککەرەوە و چاککردنی رێگاکەی.
عەمار زێباری، بەڕێوبەری پڕۆژەکە بە 964ـی وت، “نۆژەنکردنەوەی ئەشکەوتی چارستین چەند قۆناغێکی ئیشکردنی تێپەراندووە و کارکردنی تیادا بەردەوامە، بەڵام سەختی شوێنەکە وای کردووە تا ئیستا 40%ـی کارەکانی تەواوکراون”.
وتیشی، “کەرەستەکانی نۆژەنکردنەوەکە لە دەرەوەی کوردستان دەهێندرێن و کەمێک رێڕەوی شەلالی ئەشەکەوتەکەشمان گۆڕیوە و وا بڕیارە مانگی 12ـی ئەمساڵ بۆ پێشوازی لە گەشتیاران ئامادە بێت”.
ئەشکەوتی دێرینی چارستین دەکەوێتە گەلی دهۆک و ئیستا بووەتە شوێنێکی گەشتیاری.
“%20ـی پڕۆژەکە لە لایەن پارێزگای دهۆکەوە پاڵپشتی دەکرێ و رێکخراوی ILO جێبەجێی دەکات و ئێمە سەرپەرشتی دەکەین”، ئەوە قسەی بێکەس بریفکانی، بەڕێوەبەری شوێنەواری دهۆکە بۆ 964.
هه‌موو گه‌شتیارێك ناتوانێت بچێته سوولى ده‌وژان
پێداچوونەوە: پێشەوا محەمەد
