قەڵای شێروانە لە گەرمیان - وێنە: 964
لەمەودوا گەنجانی گەرمیان دەتوانن بێبەرامبەر فێری پیشەیەک ببن
964+
پێشەوا محەمەد
وەزارەتی کاروباری کۆمەڵایەتی بڕیاری کردنەوەی چەند وەرشەیەکی لە بەڕێوەبەرایەتی کار و راهێنانی گەرمیان داوە.
لەو وەرشانەدا خولی جۆراوجۆری پیشەیی دەکرێنەوە و گەنجان دەتوانن بێبەرامبەر بەشداریان تێدا بکەن.
ئاریان ئەحمەد، وتەبێژی وەزارەتی کار و کاروباری کۆمەڵایەتی هەرێم بە 964ـی راگەیاند، ئەو وەرشانە هەوڵی وەزارەتی کارن لە سەرجەم شار و شارۆچکەکانی هەرێم تا گەنجان بتوانن لەو رێگەیەوە فێری پیشەیەک ببن.
وتیشی، “لەو وەرشانەدا خولی جۆراوجۆری پیشەیی دەکرێنەوە، کە ئەمڕۆ پێویستن و گەنجان دوای ئەوەی لەوێ فێربوون دەتوانن سوود لە وەرگرتنی قەرزی بچووک وەربگرن و ببنە خاوەن پیشەی خۆیان”.
