چەند کەسێک لەسەر یەکێک لە پردە نیوەناچڵەکەی زەڕایەن - وێنە: پەیجی ناحیەی زەڕایەن لە فەیسبووک
هەردوو پردەکەی ناو زەڕایەن چاک دەکرێن
964+
پێشەوا محەمەد
هەردوو پردەکەی ناو زەڕایەنی کۆن چاک دەکرێن و بەڕێوەبەری ناحیەکە دەڵێت، هەوڵدەدەن بەر لە بارانبارین تەواو بکرێن.
پردەکان لە لایەن کۆمپانیای جێبەجێکاری دووسایدکردنی رێگای نێوان دەربەندیخان – سلێمانی جێهێڵدراوە و ماوەی دوو ساڵە بە نیوەناچڵی ماوەتەوە و کێشەی بۆ هاتوچۆی هاوڵاتیان دروست کردووە.
ئاوارە حەمەشەریف، بەڕێوەبەری ناحیەی زەڕایەن بە 964ـی وت، “دوێنێ پێنجشەممە بەڕێوەبەرایەتی رێگاوبانی سلێمانی تیمێکیان هاتن و ئەم هەفتەیە دەرخستەکەی تەواو دەبێت و بە بڕیاری وەزیری ئاوەدانکردنەوە راستەوخۆ جێبەجێ دەکرێت”.
وتیشی، “هەموو وردەکارییەکانی تەواو بووە و داوامان کردووە بەر لە بارانبارین پردەکان تەواو بکرێن تا نەبنە ئاستەنگ لەبەردەم هاتوچۆی هاوڵاتیاندا”.