لە قەڵادزێ سێ کەس کوژران و بکوژەکە هەڵاتووە
964+
ژووری هەواڵ
لە سەرەتای رووداوەکە شۆڕش ئیسماعیل وتەبێژی پۆلیسی راپەڕین بە 964ـی وت، سێ کەس لە غاباتی قەڵادزێ کوژراون و ئێستا خەریکی لێکۆڵینەوەن لە رووداوەکە.
سەرچاوەیەکی دیکەش بە شێوەیەکی دیکە هەواڵەکەی بە 964 گەیاند و دەڵێت، ئەو سێ کەسەی کوژراون، لە غاباتی قەڵادزێ دانیشتوون و ماتۆڕسوارێک هاتووە و تەقەی لێکردوون و هەرسێ کەسی کوشتووە.
بەپێی ئەو سەرچاوەیەی لە نەخۆشخانەی قەڵادزێ بە 964 دراوە ئیستا تەرمی ئەو سێ کەسە لە پەیمانگەی پزیشکی دادی نەخۆشخانەکەن.
دەوترێت ئەوانەی کوژراون تەمەنیان لە سەرووی 40 ساڵە.
بەڕێوەبەرایەتی پۆلیسی راپەڕین دەڵێت، رووداوەکە کاتژمێر 9:05 ئەمشەو روویداوە و لێکۆڵینەوەکان بەردەوامیان هەیە.