پردەکەی شاری ناشڤێل بە ئالای کوردستان رازێندرایەوە. فۆتۆ: پارێزگای هەولێر
له ئهمریكا پردێك به ئاڵای كوردستان رازێندرایهوه
964+
ئەرسەلان عەبدوڵا
شاری ناشڤێلی ئهمریكا بۆ پێشوازیكردن له شاندێكی پارێزگای ههولێر، پردێكی شارهكهیان به ئاڵای كوردستان رازاندهوه.
راگهیاندنی پارێزگای ههولێر ئهمڕۆ پێنجشهممه بڵاویكردهوه، لە لایەن شارەوانى و ئیدارەى شارى ناشڤێلى سهر به ویلایەتى تێنسیی ئەمریکا، بۆ پێشوازیکردن لە پارێزگارى هەولێر و شاندى یاوەرى، وەک رێزگرتنێک لە هاوکارى و هەماهەنگىی نێوان هەردوولا و به بۆنەى واژۆکردنى رێککەوتنامەى “دەستەخوشکى”ی ههردوو شاری ههولێر و ناشڤێل، پردى ‘کۆریان ڤێتریانز’، کە یەکێکە لە پردە سەرەکى و بەناوبانگهكانی شارهكه به ئاڵای كوردستان رازێندرایهوه.
سهرچاوهكه دهڵێت، ئهمڕۆ ئومێد خۆشناو، پارێزگارى هەولێر بە یاوەرى جۆن کوپەر، مایەری شاری ناشفیل و تریفە عەزیز، نوێنەرى حکومەتى هەرێمى کوردستان لە ئەمریکا و شاندى یاوەرى، پردەكهیان بەسەرکردەوە.
پێشتر نهبهز عهبدولحهمید قایمقامی ههولێر به 964ی وتبوو، بوونه دهستهخوشكی ههردوو شاری ههولێری پایتهختی ههرێمی كوردستان و ناشڤێل، سوودی ههیه له بوارهكانی پێدانی ڤیزا و دابینکردنی کورسیی خوێندن، ههروهها پهیوهندی له بوارهكانی هونهر و كولتوور و وهرزش.
ناشڤێل پایتەختی ویلایەتی تێنسی ئەمریکایە و مێژووی دروستبوونی بۆ ساڵی 1779 دەگەڕێتەوە، بە هەمان شێوەی هەولێر شەش شارەوانی لەخۆدەگرێت، بە پێی سەژمێری ساڵی 2020 ژمارەی دانیشتوانی شارەکە 689 هەزار و 447 کەسە و خاوەنی زانکۆی بەناوبانگی ڤاندەربێڵتە.
