تیمێکی رۆژهەڵاتی کوردستان راهێنان بە شاخەوانەکانی چەمچەماڵ دەکەن

964+
هۆگر عەدنان

لەلایەن دوو راهێنەری رۆژهەڵاتی کوردستانەوە کۆرسێکی شاخەوانی بۆ گروپه شاخەوانییەکانی چەمچەماڵ کراوەتەوە.

بەشێکی زۆری ئەندامانی گروپە شاخەوانییەکان هاتوونەتە سەر شاخی دەربەندی بازیان.

تاهیر رەحیمی راهێنەر بە 964ـی وت، لە شاری بۆکانی رۆژهەڵاتی کوردستانەوە هاتووە و ئەم خولەیان کردووەتەوە بۆ شاخەوانەکان بۆ ماوەی سێ رۆژ.

دوێنێ رۆژی یەکەمی خولەکە بووە و بە شێوازی تیۆری وتراوەتەوە، رۆژی دووەم بە کرداری ئەنجامدرا و سبەی شەممە کۆتا رۆژی خولەکە دەبێت.

ئەو دەڵێت، شاخەوانی تەنیا سەرکەوتن نییە بەسەر شاخدا بەڵکو بۆ لایەنی دەروونی بەسوودە وهەروەها بۆ پاراستنی ژینگەش کاتێک شاخەوانەکان لەگەڵ دەستی خۆیاندا پلاستیک و پاشەڕۆکان کۆدەکەنەوە.