له چۆمان سه‌ختترین كێڵگه‌ى مین له‌ناو برا
964+
ئاسۆ وه‌رتى – چۆمان
به‌ڕێوه‌به‌رایه‌تى گشتى مین و ته‌قه‌مه‌نى هه‌ولێر، سه‌ختترین كێڵگه‌مینیان له سنوورى قه‌زاى چۆمانى سه‌ر به ئیداره‌ى سه‌ربه‌خۆى سۆران دواى پاككردنه‌وه‌ى، مین و ته‌قه‌مه‌نییه‌كانیان له‌ناوبرد.
كێڵگه‌مینى كارێزان، له گوندى مژدینیانى سنوورى قه‌زاى چۆمانه.
عه‌لى عه‌بدولڕه‌حمان به‌ڕێوه‌به‌رى گشتى كاروبارى مین و ته‌قه‌مه‌نى هه‌ولێر به 964ـى راگه‌یاند، ئه‌مڕۆ 100 پار‌چه مین و پاشماوه‌ى ته‌قه‌مه‌نیان له‌و كێڵگه مینه له‌ناوبردووه، كه به “سه‌ختترین كێڵگه‌ى مین” ناوی برد.
وتیشی “تا ئێستا ته‌نیا له‌و كێڵگه‌مینه 35 كه‌س بوونه‌ته قوربانى هه‌شت كه‌س گیانیان له‌ده‌ستداوه و 27 كه‌سیش بریندار بوونه”.
پێداچوونه‌وه: فه‌رهاد حه‌سه‌ن