رێگەی سەرەکی کەرکوک – سلێمانی رووناک دەکرێتەوە
964+
هۆگر عەدنان – چەمچەماڵ
لەسەر حسابی کومپانیا و کارگەکان رێگەی سەرەکی نێوان چەمچەماڵ بۆ ناحیەی تەکیەی کاکەمەند لەسەر ڕێگەی سەرەکی کەرکوک – سلێمانی رووناکدەرێتەوە.
ئێستا لەکاتی دەرچوون لە قەزای چەمچەماڵ تاوەکو گەیشتن بە ناحیەی تەکیەی کاکەمەند هیچ رووناککەرەوەیەکی لێنییە.
دوای تەواوبونی دەرخستەی کارەکانی رووناککردنەوەی رێگەی سەرەکی چەمچەماڵ – ناحیەی تەکیەی دەستدەکرێت بەکارەکانی.
رەمک رەمەزان، قایمقامی چەمچەماڵ بۆ 964 وتی، “لەگەڵ نوێنەری کارگە و کۆمپانیاکان کۆبوینەتەوە و بە ئامادەبوونی بەڕێوەبەری دابەشکردنی کارەبای چەمچەماڵ کە راسپێردراون بۆ ئامادەکردنی دەرخستەی کارەکان و ئامادەکردنی نەخشەی هونەری.
وتیشی، ئامادەکاری دەکەن بۆ پێوانی رێگەکە بۆ ئەوەی دەستبکرێت بە پرۆژەکە، تەواوی کارگە و کۆمپانیاکان ئامادەیی خۆیان دەربڕیوە بۆ دابینکردنی پارەی پرۆژەکە بە هاوبەشی.
هەر لە داخل بوونی چەمچەماڵەوە تا بانی مەقان و دواتر دەرچون لە سنوری چەمچەماڵ تا تسڵوجەی دەروازەی سلێمانی هیچ رووناککەرەیەک لەسەر شەقامی کەرکوک – سلێمانی بوونی نییە.
پێداچوونەوە: توانا نەقی