433 ملیۆن دینار بۆ پرۆژەكانی شارۆچكەی شاریا خەرج دەكرێت

+964
كوردستان ئەحمەد

وەزارەتی شارەوانی و گەشتوگوزار رەزامەندی نیشاندا لەسەر خەرجكردنی گوژمەی 433 ملیۆن و بیست و یەك هەزار و 245 دینار بۆ جێبەجێكردنی ژمارەیەك پرۆژەی خزمەتگوزاری لە شاری دهۆك و شارۆچكەی شاریا لە پارێزگەی دهۆك.

ئەو گوژمەیە لەسەر ڕێژەی 100%ی داهاتی فرۆشتنی زەویی روكنی شارەوانییە لە سنووری شاری دهۆك و شارۆچكەی شاریا، بە مەبەستی جێبەجێكردنی  چەند پڕۆژەیەك.

پرۆژەكە بریتیە لە كۆنكرێتكردنی شەقامەكانی گەڕەكی ئێتیت و قیرتاوكردنی شەقام لە كەرتی 82 لە سنووری سەرۆكایەتی شارەوانی دهۆك، لەگەڵ دروستكردنی شەقامی ناوخۆیی لە سنووری شارەوانی شاریا خەرج دەكرێت.

لە سەرەتای مانگی شەش پڕۆژەكان دەكەونە بواری جێبەجێكردنەوە، بە چاودێری وەزیری شارەوانی و گەشت و گوزار.