ویستویەتی 100 كیلۆ گۆشتی بێمۆر بفرۆشێت

964+
كوردستان ئەحمەد- هەولێر

لیژنەكانی قایمقامیەتی سلێمانی قەسابخانەیەكیان داخست کە دەیویست 100 كیلۆ گۆشتی بێمۆر بفرۆشێت.

بە فەرمانی لیژنە هاوبەشەکان قائیمقامی سلێمانی، گۆشتفرۆشی گۆڵێ لە گەڕەکی ئیبراهیم ئەحمەد دادەخەن و خاوەنەکەشی رووبەڕووی رێکاری یاسایی دەکەنەوە بەهۆی پابەندنەبوون بەمەرج و رێنماییەکانی کارکردن و ساغکردنەوەی گۆشتی بێمۆر.

لەکاتی سەردانی لیژنەکە، دەست بەسەر زیاتر لە 100 کیلۆگرام گۆشتی بێمۆردا گیراوە، ئەمەش پێچەوانەی رێنماییەکانی ڤێتێرنەرییە و پێویستە ئاژەڵ لە سەربڕخانەکان سەرببڕێت و لەلایەن دکتۆرەکانی سەربڕخانەکەوە پشکنینی بۆ بکرێت، پاشان مۆر بکرێت و بخرێتە بازاڕەوە.

گۆشتەكە دەشتی بەسەردا گیراوە، دەخرێتە عەمباری خۆراكە خراپەكانەوە و دەسوتێنرێت، خاوەنەكەشی رووبەڕووی یاسا دەكرێتەوە و سزا دەدرێت.