هوتێل قلب العالم لە بەغدا
خاوەنی هوتێل قلب العالم:
“سوپاس بۆ خوا كەسی هیچی لێ نەهاتووە”
964+
ئەرسەلان عەبدوڵا
خاوەنی ئەو هوتێلەی شاری بەغدا، كە ئەمڕۆ سووتا، رایگەیاند سوپاسی خوا دەكات زیانەكان تەنیا ماددین و كەس هیچی بەسەر نەهاتووە.
عەبدوڵا جبوری لە راگەیاندراوێكدا بە ناوی هوتێل (قلب العالم) لە شاری بەغدا، ئەمڕۆ یەكشەممە 29.6.2025 دەڵێت، لە سووتانی هوتێلەكەدا زیانەكان تەنیا ماددین و سوپاس بۆ خوا زۆریش نەبوو، سیستمی ئاو و سەلامەتی لە دەرەوە و ناوەوەی هوتێلەكە زۆر كارا بوو، بۆیە سوپاسی خوا دەكەین كە زیانەكان تەنیا ماددین.
هەروەها
دەشێڵێت، بە چاكەی ئەو رێنماییانەی جێبەجێمان كرد لە سیستمی سەلامەتی و ئاگركوژێنەوە لە ناو هوتێلەكە و هەروەها سیستمی ئاو لە ناوەوە و دەرەوەی هوتێلەكە، زیانەكان كەم بوون و كەسیش هیچی بەسەر نەهاتووە.
خاوەنی هوتێلەكە سوپاسی وەزیری ناوخۆی عێراق و پیاوانی ئاگركوژێنەوە دەكات، كە یارمەتیدەربوون لە كوژاندنەوەی ئاگرەكە.
ئەمڕۆ لە بەغدا هوتێل قلب العالم سووتا و ئاگر و دووكەڵێكی زۆری لێ هەڵسا.
