ژیانی خەڵکی لە بۆکان و مەهاباد ئاسایی بەڕێدەکرێت

964+

کامیار کەمال – پێنجوێن

هێرشەکانی ئیسرائیل بۆ سەر ئێران بەردەوامە و چەند ناوجەیەکی رۆژهەڵاتی کوردستانیش بۆردومان کراون، بەڵام بە پیی قسەی هاولاتیانی رۆژهەڵات دۆخەکە ئارامە و هیچ قەیرانێک دروست نەبووە.

ئەحمەد عەبدوڵا دانیشتووی بۆکانە و بە 964ـی وت، دۆخەکە کەمێک تێکچووە بەڵام بەو شێوەیە نییە و دۆخەکەش لە بازاڕەکان ئاساییە.

باسی لەوەشکرد، هەموو شت ئاساییە و لەسەر دۆخی خۆیەتی و نە قەیران دروست بووە و نە گرانیە.

هیوا محەمەدیش کە دانیشتووی مەهابادە بە 964ـی وت، زیاتر لەو جێگایانە دراوە لە مەهاباد کە سەربازین و لە کارگەکەی پێترۆکیمیاویش دراوە.

وتیشی، خۆی بینیویەتی کە کوێ موشەک باران کراوە و هیچ جێگایەکی ناو مەهاباد بە ئامانج نەگیراوە و تەنها دەورووبەریەتی.

پێداچوونەوە: توانا نەقی