دۆخى کارەبا ئاسایى بووەوە

964+

وریا فەتاح

وەزارەتى کارەبا بڵاوى کردەوە، 2500 مێگاوات گەڕاوەتەوە بۆ تۆڕى نیشتمانى و دۆخى کارەبا ئاسایى بووەتەوە.

سەرلەبەیانی ئەمڕۆ رێکەوتی 25ـی شوباتی 2025 بە هۆی گرفتێکی تەکنیکییەوە هەناردەی غاز لە کێڵگەی کۆرمۆر بۆ وێستگەکانی بەرهەمهێنانی کارەبا راگیرا و 2500 مێگاوات کارەبا کەم بووەوە.

کەمێک لەمەوبەر، وەزارەتى کارەبا بڵاوى کردەوە، هەردوو تیمی وەزارەتی سامانە سروشتییەکان و وەزارەتی کارەبا بە هەماهەنگیی لەگەڵ کۆمپانیای دانە غاز توانیویان چارەسەری گرفتەکە بکەن و 2500مێگاوات کارەبا گەڕایەوە ناو تۆڕی کەرەبای هەرێم.

لە دوێنێوە، دووجار بەهۆى گرفتى تەکنیکییەوە هەناردەى غاز لە کێڵگەى کۆرمۆر بۆ وێستگەى کارەبا راگیرا و بەهۆیەوە 3500 میگاوات بەرهەمهێنانى کارەبا کەمیى کرد، بەڵام بەپێى دوا راگەیەنراوى وەزارەتى کارەبا ئێستا دۆخەکە ئاساییە و گرفت نەماوە.

دۆخى کارەبا ئاسایى بووەوە