لۆگۆی حکومەتی هەرێمی کوردستان
لە عێراق دووسبەی
سبەی لە کوردستان پشووی فەرمییە
964+
ئەرسەلان عەبدوڵا
حكومەتی هەرێمی كوردستان رایگەیاند، سبەی سێشەممە 16.7.2024 لە سەرجەم دامودەزگاکان پشووی فەرمییە.
حکومەتی هەرێمی کوردستان لە رێگەی فەرمانگەی میدیا و زانیارییەوە ئەمڕۆ بڵاویكردەوە، سبەی سێشەممە بە بۆنەی یادی عاشورا، لە سەرجەم دامودەزگاکانی حکوومەت پشووی فەرمییە و رۆژی چوارشەممە دەوامی فەرمی دەستپێدەکاتەوە.
هەموو ساڵێك لە رۆژی 10ی موحەڕەم، پەیڕەوانی مەزهەبی شیعە لە هەموو دنیاوە روودەكەنە شاری كەربەلا بۆ ماتەمگێڕان بەبۆنەی شەهیدبوونی ئیمام حوسێن كوڕی عەلی.
ئەمە لە كاتێكدایە حكومەتی عێراق بڕیاریداوە چوارشەممە 17.7 بە هەمان بۆنەوە پشووی فەرمی دەبێت.
حكومەتی عێراق و حكومەتی هەرێم یەكشەممەی رابردوو ئەو پشووە فەرمییەیان هەڵوەشاندەوە، كە ساڵانی رابردوو بە بەردەوامی بەبۆنەی شۆڕشی 14ی تەمموزی 1958 و رووخانی حوكمی پاشایەتی لە عێراق، دەبووە پشوو.
