هێزێکی سوریای دیموکرات دەردەکەون. وێنە:روانگەی سوری بۆ مافەکانی مرۆڤ.
لە رۆژئاوای کوردستان
رێکخراوی داعش هەموو دوو رۆژ جارێک هێرشێکی ئەنجامداوە
964+
فەهمی نەبی
ئامارێکی روانگەی سوری بۆ مافەکانی مرۆڤ دەریدەخات لەماوەی 25 رۆژی رابردوودا، رێکخراوی داعش 16 هێرشی بۆسەر هێزەکانی ئیدارەی خۆبەڕێوەبەری سوریا (خۆسەر)ی لە رۆژئاوای کوردستان ئەنجامداوە و شەش چەکداری سوریای دیموکرات گیانیان بەخشیووە.
ئەمڕۆ هەینی روانگەی سوری بۆ مافەکانی مرۆڤ، ئاماری سەرەتای ئەمساڵی هێرشەکانی سەر ئیدارەی خۆسەری بڵاوکردەوە و رایگەیاندووە، چەکدارانی داعش لەرێگەی هێرشی چەکداری و بۆردوومانکردنی هێزەکانی سوریای دیموکرات لەسەرەتای ئەمساڵەوە ئەو هێرشانەیان ئەنجامداوە و شەش چەکداری هێزەکانی سوریای دیموکرات و هاوڵاتییەک گیانیان بەخشیوە.
یەکەم هێرشی رێکخراوی داعش لەمساڵدا رۆژی 1.1.2024 بووە، بە دۆشکە هێرشیان کردبووە سەر خاڵێکی سەربازی لە دێرەزوور.
هەر بەپێی ئامارێکی روانگەی سوری بۆ مافەکانی مرۆڤ لەماوەی ساڵی 2023-دا رێکخراوی داعش 165 هێرشی بۆ سەر ناوچەکانی خۆبەڕێوەبەری سوریا ئەنجامداوە، لەو هێرشانە 89 چەکداری هێزەکانی سوریای دیموکرات گیانیان بەخشیووە.
