تا ساڵانێک لەمەوبەریش باوەڕ وابوو ئەڵوەن دێوی تێدایە
964+
راژان ماجید
تا 20 ساڵ لەمەوبەریش باوەڕ وابوو کە ئەگەر لەم شوێنەدا مەلە بکەیت ئەوا باوەگەزی دەتبات و تا هەتایە چاوت بە دنیای رۆشن ناکەوێتەوە.
باوانەکانمان لە خانەقین دەیان چیرۆکی لەم جۆرەیان پشتاوپشت بۆ گێڕاوینەتەوە.
وەک باسی دەکەن، باوەگەزی وەحشێک بووە لەناو ئاوی ئەڵوەندا.
سەعدوڵا خەیات پیاوێکی 70 ساڵەی خانەقینە، ئەو بە منداڵی زۆری لەسەر باوەگەزی بیستووە، هێشتا شتێک باوەڕی بە چیرۆکەکەی تێدا ماوە.
باوەگەزی راست بێت یان نا، بەشێکە لە مێژووی خانەقین و ئەوەی تا ئێستا ناوەکەی نەگۆڕاوە، مانای ئەوەیە خەڵکی ناوچەکە نایانەوێت دەستبەرداری ئەفسانەکانیان ببن.