دەستگیرا بەسەر حەوت کیلۆ حەشیش

964+

زینوێ حەسەن

دەزگای ئاسایشی هەرێم رایگەیاند، ئاسایشی راپەڕین دەستیگرتووە بەسەر حەوت کیلۆگرام مادەی حەشیش.

ئەمڕۆ دووشەممە، لە راگەیەنراوێکدا  دەزگای ئاسایشی هەرێم دەستبەسەر داگرتنی ئەو بڕە حەشیشەی راگەیاند.

دەزگای ئاسایشی هەرێم دەڵێت، دوای بەدواداچوون و چاودێریکردنی وورد، لەسەر بنەمای پشکنین و بەداواداچوون و زانیاری پیشوەخت لە سنوری ئیدارەی راپەڕین رۆژی 27.8.2023، حەوت پارچەی یەک کیلۆ گرامی حەشیش کە دەکاتە حەوت کیلۆگرام دەستی بەسەر داگیرا.

ئەو کەسانە بە مادەی 26 لە یاسای بەرەنگاربوونەوەی مادەی هۆشبەر و کارتێکەرە ئەقڵییەکان پەڕاوی لێکۆڵینەوەیان بۆ کراوەتەوە.