دیمەنی چەند دارێکی بڕدراو - وێنە: بەڕێوەبەرایەتی پۆلیسی دارستان و ژینگەی سلێمانی
لە سلێمانی 59 کەس لەسەر داربڕین دەستگیر کراون
964+
پێشەوا محەمەد
ئەمساڵ لە سنووری پارێزگای سلێمانی 59 کەس لەسەر داربڕین دەستگیر کراون.
ئەمڕۆ پێنجشەممە 24.8.2023 دوو کەس لە سنووری ماوەت لە شارباژێڕ لەسەر بڕینەوەی دار دەستگیر کراون، کە بۆ دەرهێنانی هەنگوین دارەکانیان بڕیوەتەوە.
هێمن کەمەرخان، وتەبێژی پۆلیسی دارستان و ژینگەی پارێزگای سلێمانی بە 964ـی وت، “داربڕین بە هەموو شێوەیەک قەدەغە و ئەو کەسانەی لەسەر داربڕینیش دەستگیر کراون بە شێوەی جۆراوجۆر دارەکانیان بڕیوە”.
پێشتر شارەوانی سلێمانی سزای بڕینی داری دیاری کردووە و سزاکە بە پێی تەمەنیەتی و بۆ هەر ساڵێک بڕی 100 هەزار دینار وەردەگیرێت.