بانکی ناوەندی لقێک لە سلێمانی دەکاتەوە

964+

رێژوان مامە قادر – سلێمانی

بانکی ناوەندی عێراق بەڵێنی داوە لقێکی بانکەکەی لە سلێمانی بکاتەوە و پەرلەمانتارێکیش سوودەکانی کردنەوەی بانکەکە رووندەکاتەوە.

پێشتر ئەو بانکە لە شاری هەولێر لقی کردووەتەوە.

د. بڕیار رەشید، ئەندامی ئەنجومەنی نوێنەرانی عێراق بە 964ـی راگەیاند، لەگەڵ پارێزگاری بانکی ناوەندی کۆبوونەتەوە و بەڵێنیداوە بە زووترین کات لقی ئەو بانکە لە سلێمانی بکاتەوە.

وتیشی، “بە کردنەوەی لقی بانکی ناوەندی لە سلێمانی دۆلار بە نرخی بانکی ناوەندی دەدرێت بە بازرگانان، وەرگرتنی دۆلار بۆ گەشت و نەخۆشی و خوێندن، پێدانی قەرزی بچووک و پێشینەکان، لەگەڵ سوودمەندبوونی خەڵکی سلێمانی لەو ئۆفەرانەی بانکەکە رایاندەگەیەنێت”.

پێداچوونەوە: فەرمان سادق