دووسایدی شەقامی برایەتی کە رووداوی هاتوچۆکەی تیایدا روویداوە.وێنە:+964 یداروویداوە
بە هۆی ستوونێکی کارەبا گیانی لە دەستدا
964+
راژان باجەڵان – خانەقین
بەرەبەیانی ئەمڕۆ سێشەممە 15.8.2023، کارمەندێکی تەندروستی لەکاتی چوونی بۆ دەوامی ئاسایی خۆی، خۆی دەکێشێت بە ستوونێکی کارەبا و گیان لەدەستدەدات.
حسێن خدر، تەمەن 57 ساڵان کە کارمەندی کەرتی تەندروستی خانەقینە، بە ئۆتۆمبێلە کیا ئۆپتیمایەکەی لە شەقامی یاریگای خانەقین، خۆی دەکێشێت بە ستوونێکی کارەبا و دەستبەجێ گیان لەدەستدەدات.
دکتۆر شوان شاکر، بەرێوەبەری نەخۆشخانەی خانەقین بە 964ـی وت، لە رووداوەکەدا حسێن خدر، مێشکی پڕژاوە و بەهۆیەوە دەستبەجێ گیانی لەدەستداوە.
دەشڵێت: تەرمەکەی رەوانەی پزیشکی دادی بەعقوبە کراوە بۆ توێکاری و نووسینی راپۆرتی پزیشکی.
964 دەزانێت، حسێن خدر، لەو کاتەی رووداوەی هاتوچۆکەی لەدەست قەوماوە، هەر خۆی بە تەنیا بووە لەناو ئۆتۆمبێلەکەیدا.
پێداچوونەوە: فەرمان سادق