پۆلیسی ژن داده‌مه‌زرێن و كامێرای چاودێریش داده‌نرێت
+964
زه‌ید كۆچه‌ر – به‌رده‌ڕه‌ش
به‌ڕێوه‌به‌ری پۆلیسی قه‌زای به‌رده‌ڕه‌ش ئاشكرای كرد، هه‌وڵی دامه‌زراندنی ژماره‌یه‌ك پۆلیسی ژن له سنووره‌كه‌یان ده‌ده‌ن، كامێرای چاودێریش له ناو سه‌نته‌ر و بازاڕی قه‌زاكه داده‌نێن.
عه‌مید سه‌عدی به‌رزنجی به 964ی راگه‌یاند، ناوی ژماره‌یه‌ك ژنیان به‌رزكردووه‌ته‌وه، كه وه‌ك پۆلیس له به‌ڕێوه‌به‌رایه‌تی پۆلیسی به‌رده‌ڕه‌ش دابمه‌زرێن، وه‌زیری ناوخۆش به زاره‌كی به‌ڵێنی داوه ره‌زامه‌ندی بدات.
ئاماژه‌ی به‌وه‌ش دا، پلانیان هه‌یه كامێرای چاودێری له ناو سه‌نته‌ر و بازاڕی قه‌زای به‌رده‌ڕه‌ش دابنێن.
داڕشتنه‌وه: ئه‌رسه‌لان عه‌بدوڵا