لە سلێمانی نرخی گازی شلی ئۆتۆمبێل گران بوو

964+

رێژوان مامە قادر – سلێمانی

لەناو بەنزینخانەکانی شاری سلێمانی لیترێک غازی شلی ئۆتۆمبێل گران بووه‌ و هه‌ر لیترێك 80 دینارى چووه‌ته‌ سه‌ر.

گرانبوونەکە سەرەتا لە 400 دینارەوە بووە بە 420 دینار و ئەم هەفتەیەش نرخی هەر لیترێک بووە بە 500 دینار.

کەریم عەلی، سەرۆکی لیژنەی سامانە سروشتییەکانی ئەنجومەنی پارێزگای سلێمانی بە 964ی راگەیاند، دوو هۆکاری بەرزبوونەوەی نرخی غازی شلی ئۆتۆمبێل هەیە، یەکێکیان بازرگانەکانن کە بە ئارەزووی خۆیان نرخ دیاری دەکەن، دووەمیشیان ئەوەی حکومەت رێگەی بە بردنەدەرەوەی غازی شل داوە.

وتیشی “كه چاودێری ورد و نرخی دیاریکراو نەبوو بازرگانەکان بە ئارەزووی خۆیان و لە بەرژەوەندی خۆیان نرخ دیاری دەکەن”.

پێداچوونه‌وه‌: فه‌رهاد حه‌سه‌ن