لە دهۆک 97%ـی کارتی دەنگدان وەرگیراوەتەوە

964+

پێشەوا محەمەد

کۆمیسیۆنی باڵای سەربەخۆی هەڵبژاردنەکانی عێراق رایدەگەیەنێت، 97%ـی دانیشتوانی دهۆک کارتی دەنگدانیان وەرگرتووەتەوە و پڕۆسەکەش تا 12.8.2023 بەردەوام دەبێت.

کۆمسیۆنەکە لە هەمان کاتدا ئاوەرەکانیش بۆ دەنگدانی ئەنجومەنی پارێزگاکانی عێراق تۆمار دەکات و تا ئێستا 46 هەزار ئاوارە ناویان تۆمار کردووە.

خالید عەباس، بەرپرسی ئۆفیسی دهۆکی کۆمسیۆنی باڵای سەربەخۆی هەڵبژاردنەکانی عێراق بە 964ـی راگەیاند، تا ئێستا وادەکە تا 12ـی ئەم مانگەیە، بەڵام پێی وایە وادەی خۆتۆمارکردن درێژ دەکرێتەوە.

وتیشی، “داوا لە هاوڵاتیان و ئاوارەکان دەکەین بێنە ئۆفیسی کۆمسیۆن و خۆیان تۆمار بکەن و کارتەکانیان وەربگرنەوە بۆ ئەوەی لە دەنگدان بێبەش نەبن”.