کارەباچییە و کارەبا گیانی لێسەند

964+

زەید کۆچەر – دهۆک

گەنجێک لە دهۆک کە پیشەی کارەباچییە کە کاتی کارکردندا کارەبا گرتی و گیانی لەدەست دا.

گەنجەکە ناوی “ن. س”یە و تەمەنی 29 ساڵە.

محەمەد باوەڕ، هاوڕێی ئەو گەنجەی کارەبا گرتوویەتی بە 964ـی وت، ئەو گەنجە کاری کارەباچییە لە دوکان و باڵەخانەکاندا، ئێوارەی ئەمڕۆ سێشەممە لە کاتی کارکردن لەسەر ئەسکەلە بووە و کارەبا گرتوویەتی و کەوتووەتە خوارەوە.

وتیشی، دوای ئەوەی گەیاندوویانەتە نەخۆشخانە بارودۆخی زۆر خراپ بووە و گیانی لەدەستداوە.

گەنجەکە دانێشتووی دهۆکە و خێزاندارە و خاوەنی دوو منداڵە.

پێداچوونەوە: توانا نەقی