کۆمپانیایەکی ئەمریکی دوو کارگەی گرنگ لە هەرێم دادەمەزرێنێت

964+

پێشەوا محەمەد

کۆمپانیای Getka Energy Tradingـی ئەمریکی ئامادەیی خۆی پیشانداوە بۆ دروستکردنی دوو کارگەی کشتوکاڵی و وەزارەتی کشتوکاڵیش داوای پڕۆپۆزەڵی لێکردووە.

کارگەکان بریتی دەبن لە پەینی کیمیایی و ئۆرگانی و ڤاکسین و پێداویستی ڤێتێرنەری لە هەرێم.

کۆمپانایاکە رۆژی چوارشەممە 2.8.2023 یەکەم کۆبوونەوەی لەگەڵ وەزارەتی کشتوکاڵ کردووە.

“هێشتا وردەکاریی پڕۆژەکان دیار نییە و داوای پڕۆپۆزەڵ کراوە، بەڵام پرۆژەکان گرنگن بۆ کەرتی کشتوکاڵ و ئاژەڵداری هەرێم و لە رووی کوالێتییەوە کەرتی کشتوکاڵ پەرە پێدەدات”، ئەوە قسەی فیراس سدیق، بەرپرسی سامانی ئاژەڵە لە وەزارەتی کشتوکاڵی حکومەتی هەرێم بۆ 964.