وێنەی رووداوی هاتوچۆکەی دەربەندیخان - وێنە تایبەت بە 964
لە 48 کاتژمێری رابردوودا
11 مردوون و 30 كەسیش بریندار بوون
964+
میلاد جەلال
لە ماوەی 48 کاتژمێری رابردوودا لە هەرێمی کوردستان 11 کەس بە رووداوی هاتوچۆ گیانیان لەدەستداوە و 30 کەسی دیکەش بریندار بوون.
رووداوەکان لە پارێزگاکانی هەولێر، سلێمانی، دهۆک و ئیدارەی راپەڕین روویانداوە.
خێرایی زۆر، سەرقاڵبوون بە مۆبایل و خراپیی رێگاوبانەکان بە هۆکاری سەرەکیی رووداوەکانی هاتوچۆ دادەندرێن.
بەهمەن عەبدوڵا، وتەبێژی بەڕێوەبەرایەتی هاتوچۆی سلێمانی بە 964ـی راگەیاند، ئەوانە تەنیا ئەو رووداوانەن کە لە سۆشیالمیدیا بڵاوکراونەتەوە و رووداویش هەیە بڵاونەکراوەتەوە.
وتیشی، “تکا دەکەین شۆفێران یاری بە ژیانی خۆتان و کەسوکار و ئازیزانتانەوە مەکەن و پابەندی خێرایی دریاریکراو بن”.